Хоро нэһилиэгэр Аҕа дойдуну көмүскээччилэр күннэригэр аналлаах нэһилиэк иһинэн ыытыллар спартакиада чэрчитинэн эр дьоҥҥо 5-тии киһиттэн турар хамаандалар икки ардыларыгар бильярдка күрэх буолан ааста. Уопсайа 4 хамаанда кыттыыны ылла. Күрэх түмүгүнэн 1 миэстэни «ЖКХ, детсад» хамаандата, 2 миэстэни «Хоро» нэһилиэк хамаандата, 3 миэстэни «Администрация, кулууп», 4 миэстэни «Майаҕас орто оскуолатын» хамаандалара ыллылар. Кыайыылаахтар грамотанан, мэтээлинэн, бастаабыттар көһө сылдьар кубогынан наҕараадаланнылар.
Ону сэргэ, Майаҕастааҕы «Түмсүү» НАК тэрийбит бэрт интириэһинэй, көрдөөх күрэхтэрэ буоллулар. «Корнхол» күрэххэ 18 эр дьон кыттыбытыттан кыайыылааҕынан Артем Бурцев буолла, бириэмэтэ 51 сөкүүндэ. «Корнхол» — Сахабыт сиригэр тас дойдуттан киирэн саҥа үөдүйэн эрэр көрүҥ буолар. «Хомуур» — бириэмэҕэ кубик хомуйуута, манна Иннокентий Крылов тэҥнээҕин булбата, бириэмэтэ 1 мүнүүтэ 25 сөкүүндэ. «Быалаах хапсаҕай» көрүҥэр Артем Бурцев кыайыылааҕынан таҕыста.
Спартакиада уопсай таблицата 2 көрүҥ түмүгүнэн маннык:
«Администрация, кулууп, почта» — 4; «ЖКХ, Чуораанчык о/у» — 4; «Хоро» нэһилиэк — 6; «Майаҕас орто оскуолата» — 6 очукуолаахтар.
