Олунньу 22 күнүгэр Хоро нэһилиэгэр Аҕа дойду көмүскээччилэрин күнүгэр аналлаах Уус Алдан улууһун эр дьонугар аналлаах дартс күрэҕэ буолан ааста. Манна Бороҕонтон, Тулунаттан, Тандаттан, Курбуһахтан, Тиит Арыыттан, Хороттон, Найахыттан, Бэйдиҥэттэн, Өнөртөн, Мындаабаттан 60-ча эр киһи мустан күрэхтэстилэр.
Бастакы көрүҥүнэн троеборье, ол эбэтэр «Сектор 20», «Набор очков», «Большой раунд» буолла. Троеборье 2 бөлөххө арааран ыытылынна: 55-гэр дылы саастаахтарга уонна 55-с сааһыттан үөһээ саастаахтарга. 55-гэр дылы саастаахтарга уопсайа 39 эр киһи кыттыбытыттан үс көрүҥ түмүгүнэн 1 миэстэни ылла 1880 очукуолаах Найахыттан Виталий Харитонов; 2 миэстэни 1728 очукуолаах Бороҕонтон Ньургун Готовцев; 3 миэстэни ылла 1510 очукуолаах Мындаабаттан Ксенофонт Троев. 55-с саастарыттан үөһээ 15 эр киһи кыттыбытыттан 1 миэстэни ылла 1421 очукуолаах Өнөртөн Гаврил Афанасьев; 2 миэстэни 1214 очукуолаах Өнөртөн Юрий Протопопов; 3 миэстэни 1205 очукуолаах Курбуһахатан Гаврил Васильев ылан грамотанан, мэтээлинэн, сэмэй бириистэринэн, кыайыылаах кубогынан наҕараадаланнылар.
Иккис көрүҥүнэн «501» көрүҥ буолла. Бу «501» көрүҥ аан бастакытын Уус Алдаҥҥа дартс лигатын зачетугар ыытылынна. Уопсайа 30 дарстмен кыттыбытыттан кыайыылаах үрдүк аатын Найахыттан Виталий Харитонов ылла, 2 миэстэ Өнөртөн Иван Протопопов, 3 миэстэ Мындаабаттан Алексей Кириллов, 3 миэстэ Мындаабаттан Ксенофонт Троев ыллылар.
Күрэҕи тэрийэн ыыппыт Хоро нэһилиэгин олохтооҕугар Анатолий Скороходкиҥҥа, Уус Алдан улууһун дартс федерациятын салайааччытыгар Павел Афанасьевка күрэхтэһээччилэр ааттарыттан барҕа махталбытын тиэрдэбит!
