Ороһуоспатааҕы «Баһылык харыйата»

Тохсунньу 7 күнүгэр үгэскэ кубулуйбут оҕолорго аналлаах «Ороһуоспатааҕы нэһилиэк Аҕа баһылыгын харыйата» тэрээһин буолла. Ааспыт 2023 сыл түмүгүнэн оҕолорго «Сыл бастыҥнара» анал ааттар ааттаннылар. Күүтүүлээх Тымныы оҕонньор, Хаарчаана, Саҥа Дьыл эҕэрдэлэрин тиэртилэр. «Снежная королева» театрализованнай дьүһүйүүнү, «Тролли 3» киинэни оҕолор астына көрдүлэр. «Бал маскарад» маскараат күрэҕин, «Уотунан тыынар Моҕой 2024 сыл бэлиэтэ» бэйэ илиитинэн харыйа киэргэлин оҥоһугун күрэҕин кыайыылаахтарын дьүүллүүр сүбэ быһаарда.