«Ытыктыыр учууталбар…»

2023 сыл-Арассыыйаҕа Педагог уонна Аҕа сүбэһит сылын чэрчитинэн, алтынньы 5 күнүгэр, Аан дойдутааҕы учууталлар күннэригэр аналлаах «Ытыктыыр учууталбар» тэрээһин буолан ааста. Биэчэр үөрүүлээх чааһын арыллыытыгар эҕэрдэ нүөмэрдэр, көрдөөх-нардаах оонньуулар буоллулар. Убаастыбыллаах учууталларбытын, профессиональнай бырааһынньыктарынан эҕэрдэлээн туран , Хоро нэһилиэгин муниципальнай тэрилтэтин, Майаҕастааҕы «Тумсуу» норуот айымньытын киинин аатыттан эҕэрдэ суруктары, өйдөбүнньүк бэлэхтэри туттардылар. Тэрээһин үөрүүлээх чааһыгар Татьяна Гаврильевна Павлова, Октябрина Дмитриевна Пухова, «Хоро нэһилиэгин социальнай-экономическай сайдыытыгар кылаатын иһин» , Владимир Прокопьевич Егоров «Уус-Алдан улууһун үөрэхтээһинин сайдыытыгар кылаатын иһин», «Хоро нэһилиэгин социальнай-экономическай сайдыытыгар кылаатын иһин» анал бэлиэлэринэн наҕараадаланнылар.