Муус устар 12 күнүгэр Хоро нэһилиэгэр «Кубок Хоро» диэн Уус Алдан улууһун нэһилиэктэрин дартсменнарын икки ардыларыгар биирдиилэн бастыыр иһин күрэх буолан ааста. Манна Бороҕонтон, Тулунаттан, Тандаттан, Курбуһахтан, Хороттон, Найахыттан, Баатаҕайтан, Өнөртөн, Мындаабаттан 60ча дарстмен мустан илин-кэлин түһүстэ.
Күрэхтэһии эр дьоҥҥо уонна кэрэ аҥардарга 2 бөлөххө арааран ыытылынна: 55-гэр дылы уонна 55-с сааһыттан үөһээ саастаахтарга. Групповой этапка «Набор очков» буолла. Онтон группаттан тахсыбыттар «Сектор 20» бырахтылар, полуфиналга уонна финалга «Большой раунд» кииристилэр.
Кэрэ аҥардарга 55-гэр дылы саастаахтарга уопсайа 9 киһи кыттыбытыттан 1 миэстэни Өнөртөн Мария Афанасьева; 2 миэстэни Хороттон Алена Гоголева; 3 миэстэни Өнөртөн Светлана Протопопова ыллылар.
Кэрэ аҥардарга 55-с саастарыттан үөһээ 11 киһи кыттыбытыттан 1 миэстэни Мүрүттэн Елена Гоголева; 2 миэстэни Тулунаттан Светлана Мигалкина; 3 миэстэни Баатаҕайтан Александра Алексеева ыллылар.
Эр дьоҥҥо 55-гэр дылы 17 кыттааччыттан 1 миэстэни Тулунаттан Гаврил Шепелев; 2 миэстэни Мүрүттэн Ньургун Готовцев; 3 миэстэни Өнөртөн Александр Лукачевскай ыллылар.
55-с саастарыттан үөһээ 17 кыттааччыттан 1 миэстэни Өнөртөн Гаврил Афанасьев; 2 миэстэни Тандаттан Александр Егоров; 3 миэстэни Тандаттан Георгий Готовцев ыллылар.
Кыайыылаахтар грамотанан, мэтээлинэн, сыаналаах бириистэринэн наҕараадаланан үөрэн-көтөн тарҕастылар. Күрэҕи тэрийэн ыыппыт, бириистэри туруорбут Хоро нэһилиэгин олохтооҕугар Анатолий Скороходкиҥҥа күрэхтэһээччилэр ааттарыттан барҕа махталбытын тиэрдэбит!
