Олунньу 7 күнүгэр Майаҕастааҕы «Түмсүү» норуот айымньытын киинигэр, ааспыт 2024 сыл түмүгүнэн, Уус-Алдан улууһугар нэһилиэктэр икки ардыларыгар ыытыллыбыт комплекснай спартакиадаҕа кыайыыны аҕалбыт чөмпүйүөннэри чиэстиир өрөгөйдөөх тэрээһин буолан ааста. Санатар эбит буоллахха, 2024 сылга комплекснай спартакиада уопсайа 16 спорт араас көрүҥэр ыытылынна. Хоро нэһилиэгин спортсменнара ити көрүҥнэртэн биир да күрэҕи көтүппэккэ кыттыыны ылан илин-кэлин түһүспүттэрэ. Спорду өрө туппут, спартакиада кыттыылаахтарыгар өссө төгүл ис-сүрэхтэн эҕэрдэ эгэлгэтин, үтүө санаа үтүмэнин, баҕа санаа бастыҥын аныыбыт!
Спартакиадаҕа үстэн саҕалаан алта араас спорт көрүҥнэригэр кыттыыны ылбыт 13 спортсмеҥҥа олохтоох дьаһалта Бочуотнай грамоталарын, өйдөбүнньүк статуэткаларын Хоро нэһилиэгин Аҕа баһылыга А.А. Ущницкай эҕэрдэлээн туран туттарда. Ол курдук:
- Алексей Иванович Аргунов — хайыһар, хапсаҕай, мас тардыһыыта, волейбол, гиирэ көтөҕүүтэ, көҥүл тустуу көрүҥнэр кыттыылааҕа (6 көрүҥ);
2. Сергей Юрьевич Гуляев – футбол, волейбол, остуол тенниһа, чэпчики атлетика, атах оонньуута, мас тардыһыыта көрүҥнэр кыттыылааҕа (6 көрүҥ);
3. Павел Петрович Аммосов – бэтэрээннэр волейболлара ,гиирэни көтөҕүү, хапсаҕай, атах оонньуута (4 көрүҥ);
4. Дмитрий Дмитриевич Андросов – волейбол, гиирэ көтөҕүүтэ, мас тардаһыыта, көҥүл тустуу (4 көрүҥ);
5. Владимир Николаевич Орлов – бэтэрээннэр волейболлара, гиирэ спордун, остуол тенниһэ, футбол (4 көрүҥ);
6. Юрий Кимович Кычкин – дуобат, хабылык-хаамыска, хапсаҕай (3 көрүҥ);
7. Дмитрий Николаевич Готовцев – бэтэрээннэр волейболлара, мас тардыһыыта, көҥүл тустуу (3 көрүҥ);
8. Прокопий Александрович Бурцев – чэпчэки атлетика, футбол, волейбол (3 көрүҥ);
9. Сэмэн Мичил Сивцев–көҥүл тустуу, хапсаҕай, чэпчэки атлетика (3 көрүҥ);
10. Альберт Гаврильевич Попов – волейбол, саха төрүт оонньуулара, чэпчэки атлетика (3 көрүҥ);
11. Мария Михайловна Прокопьева – волейбол, бэтэрээннэр волейболлара, хайыһар, остуол тенниһэ (4 көрүҥ);
12. Сардана Павловна Андросова – волейбол, хайыһар, хабылык-хаамыска, чэпчэки атлетика (4 көрүҥ);
13. Нюргустаана Николаевна Ануфриева – хайыһар, мас тардыһыыта, бэтэрээннэр волейболлара (3 көрүҥ).
