Хоро нэһилиэгэр тохсунньу ый 14 күнүгэр үгэскэ кубулуйбут, сылын аайы ыытыллар, «Сыл бастыҥнара» 2024 сыл түмүгүнэн бастыҥ көрдөрүүлээх үлэлээх, үрдүк ситиһиилээх активистарга, общественниктарга аналлаах бырааһынньыктааҕы үөрүүлээх тэрээһин ону тэҥэ «Сыл арыйыыта» эҕэрдэ кэнсиэр буолан ааста.
Бу киэһэ ыҥырыылаах ыалдьыттар, көрөөччүлэр то5уоруһан, өрө-көтө5үүлээхтик, чахчы да бырааһынньыктыы тэрээһиннээхтик барда. Хоро нэһилиэгин Аҕа баһылыга А.А. Ущницкай саҥа үүммүт 2025 сылынан эҕэрдэлээтэ уонна үөрүүлээх быһыыга-майгыга наҕараадаламмыт дьоҥҥо аалай лиэнтэни кэтэттэ, статуэткалары уонна эҕэрдэ суруктары туттарда. Ол курдук 2024 сыл түмүгүнэн анал ааттары ыллылар:
“СЫЛ БАСТЫҤ УЧУУТАЛА” — Розалия Алексеевна Дмитриева.
“СЫЛ БАСТЫҤ УҺУЙААН ҮЛЭҺИТЭ” – Любовь Ивановна Тарабукина.
“СЫЛ БАСТЫҤ ОЛОХТООХ ДЬАҺАЛТА ҮЛЭҺИТЭ” — Гаврил Кимович Кычкин.
“СЫЛ БАСТЫҤ КУЛЬТУРА ҮЛЭҺИТЭ” – Константин Семенович Иванов.
“СЫЛ БАСТЫҤ ЖКХ ҮЛЭҺИТЭ” – Иннокентий Дмитриевич Крылов.
“СЫЛ БАСТЫҤ СПОРТСМЕНА” – Максим Романович Васильев.
“СЫЛ БАСТЫҤ ОБЩЕСТВЕННИГА” – Сардана Павловна Андросова.
“ТЫА ХАҺААЙЫСТЫБАТЫГАР БАСТЫҤ КӨРДӨРҮҮЛЭЭХ ЫАЛ” — Елена Ивановна Сивцева.
“БАСТЫҤ КӨРДӨРҮҮЛЭЭХ УРБААННЬЫТ” – Петр Николаевич Копырин.
“СЫЛ БАСТЫҤ ААҔААЧЧЫТА” – Михаил Тимофеевич Копырин.
2024 сылга саҥа алаһа дьиэни туттан киирбит Александра Федоровна, Григорий Гаврильевич Крыловтар дьиэ кэргэҥҥэ олохтоох дьаһалта аатыттан эҕэрдэ суругу, сэмэй бэлэҕи туттарда.
Ону таһынан Майаҕастааҕы «Түмсүү» норуот айымньытын киинин дириэктэрэ О.В. Сивцева 2024 сыл түмүгүнэн «СЫЛ БАСТЫҤ КУЛЬТУРА АКТИВИҺА» анал ааты Афанасий Петрович Бурцевка, «СЫЛ БАСТЫҤ КУЛЬТУРА КӨХТӨӨХ ДЬИЭ КЭРГЭНЭ» анал ааты Светлана Николаевна, Прокопий Николаевич Трулиннарга туттарда.
С.Г. Крылов аатынан Майаҕастааҕы модельнай библиотекатын сэбиэдиссэйэ К.Н. Кириллина 2024 сыл түмүгүнэн улахан дьоҥҥо «СЫЛ БАСТЫҤ ААҔААЧЧЫТА» — Лариса Дмитриевна Скороходкинаҕа, оҕолорго Максим Аргуновка уонна Нарыйаана Стрекаловскаяҕа туттарда
