МУНИЦИПАЛЬНОЕ БЮДЖЕТНОЕ УЧРЕЖДЕНИЕ "МАЯГАССКИЙ ЦЕНТР НАРОДНОГО ТВОРЧЕСТВА "ТУМСУУ" МУНИЦИПАЛЬНОГО ОБРАЗОВАНИЯ "ХОРИНСКИЙ НАСЛЕГ"

ОЛОҤХО КИЭҺЭТЭ

29.11.2019

2005 сылаахха Саха Республикатын президенэ Вячеслав Анатольевич Штыров уураа5ынан сэтинньи ый 25 кунэ Олоҥхо күнүнэн биллэриллибитэ.

ЮНЕСКО туох – ханнык иннинэ олоҥхону Аан дойду культуратын шедеврын быһыытынан үйэтитээри, харыстыыры, киэн эйгэ5э таһаарары ирдиир, уонна Аан дойду культуратын шедевринэн билиммитэ.

Ол курдук, сэтинньи ый 29 күнүгэр нэһилиэккэ декада чэрчитинэн «Олоҥхо киэһэтэ» тэрээһин буолан ааста.

Онтон биһиги нэһилиэкпитигэр өбүгэ саҕаттан илдьэ кэлбит уус-уран баайбытын – олоҥхобут сүөгэйин – сүмэтин сүтэрбэккэ, норуот тылынан уус-уран айымньытын тарҕатар сыаллаах, “Аартыктарынан айан” бырайыак саҕалааччыта, “Түһүлгэлээн түмсэбит, төлкөбүтүн түстүүбүт” олоҥхоһут Прокопий Наумович Соловьев – Намыын төрөөбүтэ 125 сылыгар аналлаах улуустааҕы олоҥхо ыһыаҕын кыттыылааҕа, хороҕор муостааҕы холбооттообут, сыспай сиэллээҕи сыһыппыт, Улуу Хоро сириттэн, уус-уран самодеятельность, сцена, үлэ бэтэрээнэ, “Уус-Алдан улууһун култууратын сайдыытыгар киллэрбит кылаатын иһин” анал бэлиэ хаһаайына, Улуу Хоро сыдьаана, олоҥхону толорооччу Афанасий Петрович Бурцев буолар.

Афанасий Петрович – Бөскөй Бөҕө өбүгэбит төрүт айанын сөргүтэн, оҕус көлөнөн айаннаабыт ыырдарын, оһон хаалбыт ыллыктарын тэлэн, аартыктарын арчылаан, төрүт үгэһи сөргүтэн, саха миинэр миҥэтэ, көлүнэр көлөтө оҕуһунан айаннатан Хоро нэһилиэгиттэн бу дьыл ыам ыйын 27 күнүгэр айанын саҕалаабыта. Ол курдук,  Тулунаҕа, Өнөргө, Остуойкаҕа, Дүпсүҥҥэ, Бээдигэ, Уһун-Күөлгэ, Кэптэнигэ айаннаан хонон – өрөөн, олоҥхолоон бэс ыйын 7-8 күннэригэр Баатаҕай бөһүөлэгэр ыытыллар Олоҥхо ыһыаҕар тиийэн кыттыыны ылбыта. Бу киэһэ «Эрчимэн Бэргэн» олоҥхоттон быһа тардыыны этэн биэчэри киэргэттэ.

Ону тэҥэ Международнай конкурс-фестиваль “Первые шаги”  “Бриллиантовые нотки” дипломант I степеннээх, “Утумнаахтык олоҥхону толоруу”анал аат хаһаайыттара, В.А. Протодьяконов-Кулантай аатынан Майаҕас орто оскуолатын үөрэнээччилэрэ, «Дьөһөгөй» фольклорнай бөлөх иитиллээччилэрэ «Күөнэ Көҕөччөр аттаах күүстээх-уохтаах Күн Күндүлү Бухатыыр»олоҥхону олоҥхолоон иһитиннэрдилэр.

Уус-Алдан олоҥхоһуттарын туһунан кыракый иһитиннэриини оҥордо С.Г. Крылов аатынан модельнай библиотека сэбиэдиссэйэ Ксения Николаевна Кириллина уонна  олус интириэһинэй викторинаны ыытта В.А. Протодьяконов-Кулантай аатынан Майаҕас орто оскуолатын библиотекэрэ Маргарита Тимофеевна Попова.

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>