Ахсынньы 12 күнүгэр Хоро нэһилиэгэр, Майаҕас бөһүөлэгэр култуура тэрилтэтэ тэриллибитэ 75 сыллаах үбүлүөйнэй үтүө-мааны күнүн бэлиэтиир тэрээһин буолан ааста.
1950 сыллаахха оройуоннааҕы култуура салалтатын ыйыытынан, биһиги нэһилиэкпитигэр тыа сирин кулууба “Маленков” холкуос, кыра дьиэтигэр арыллыбыта, мантан ылата култуура тэрилтэтигэр ааҕар балаҕан, киинэ ситимэ арыллан биир сомоҕо буолан, бөһүөлэк култуурнай айар-тутар үлэтэ күргүөмнээхтик сайдан барбыта.
Бу бэлиэ күҥҥэ олоҕуран, Майаҕас бөһүөлэгэр култуура сайдыытын, үлэтин хаамыытын, элбэх сыллар устата араас талааннаах үлэһиттэр ааттарын-суолларын, үлэлэрин, тэрээһиннэрин туһунан историяҕа хаалларар, кэлэр кэнэҕиски ыччаттар көрө-билэ сырыттыннар диэн, кулууппут дьиэтэ үбүлүөйнэй тэрээһинигэр бэлэх оҥорор сыаллаах-соруктаах “Майаҕаска култуурабыт дьиэтин 75 сыла” диэн ааттаах-суоллаах саҥа кинигэ, үөрүүлээх быыһыыга-майгыга сүрэхтэннэ.
Кинигэ авторынан олоҕун 20 сылын култуураҕа анаабыт, нэһилиэгин дьонун-сэргэтин духуобунай сайдыытын туһугар, элбэх сыратын уурбут, култуура эйгэтигэр үрдүк ааттаах-суоллаах, 15 сыл “Түмсүү” норуот айымньытын киинигэр дириэктэринэн үлэлээбит Саха Өрөспүүбүлүкэтин Култууратын Туйгуна, Уус-Алдан улууһун култууратын сайдыытыгар кылаатын иһин анал бэлиэ, «Култуура Бастыҥ директора» анал аат хаһаайката, Хоро нэһилиэгин Бочуоттаах олохтооҕо Наталья Семеновна Павлова буолар.
Саҥа кинигэ тахсыытыгар сылтан ордук үгүс сыралаах үлэ ыытылынна , дууһаларын, толкуйдарын ууран туран хаартыскаларга, ахтыыларга үлэлэстилэр Галина Власьевна Дегтярева, Лена Егоровна Копырина, Константин Семенович Иванов, Ольга Васильевна Сивцева, кинигэ сүрүн тутулун сааһылаан, хомуйан оҥордо Наталья Семеновна Павлова, көмпүүтэргэ таҥан оҥордо Анатолий Гаврильевич Кириллин, үп-харчы өттүнэн күүс-көмө буолла Хоро нэһилиэгин олохтоох дьаһалтата.
Нэһилиэккэ култуура эйгэтэ сайдыытыгар улахан кылааттаах дьону бэлиэтиир үөрүүлээх чааска элбэх киһи араас наҕарааданы тутта. Олор истэригэр Иванов Константин Семенович «Ветеран художественной самодеятельности Республики Саха (Якутия)» бэлиэни, Павлова Наталья Семеновна “Республиканский дом народного творчества и социально-культурных технологий” Буочуотунай грамотататын, Кычкина Валентина Валентиновна “Республиканский дом народного творчества и социально-культурных технологий” Буочуотунай грамотатын, Андросова Розалия Викторовна «Национальная библиотека Республики Саха (Якутия)» Махтал суругун, Крылова Ольга Еремеевна «Национальная библиотека Республики Саха (Якутия)» Махтал суругун, Сидорова Аграфена Афанасьевна «За вклад в развитие культуры Усть-Алданского улуса» бэлиэни, Черноградская Людмила Петровна «За вклад в развитие культуры Усть-Алданского улуса» бэлиэни, Эльза Михайловна “За вклад в социально-экономической развитии СП “Хоринский наслег” бэлиэни, Охлопков Григорий Константинович “За вклад в социально-экономической развитии СП “Хоринский наслег” бэлиэни, Павлов Степан Степанович “За вклад в социально-экономической развитии СП “Хоринский наслег” бэлиэни, Сивцева Ольга Васильевна “За вклад в социально-экономической развитии СП “Хоринский наслег” бэлиэни, Кириллина Ксения Николаевна “За значительный вклад в социально-экономическое развитие Усть-Алданского улуса и добросовестный труд” Уус-Алдан улууһун Аҕа баһылыгын Василий Петрович аатыттан Бочуотунай грамотаны, Павлова Туяра Степановна “За значительный вклад в социально-экономическое развитие Усть-Алданского улуса и добросовестный труд” Уус-Алдан улууһун Аҕа баһылыгын Василий Петрович аатыттан Махтал суругу, уонна да атын Бочуотунай грамоталары, махтал, эҕэрдэ суруктары Уус-Алдан улууһун култууратын управлениятын начальнигын Киренская Эльза Михайловна, Уус-Алдан улууһун идэлээх сойууһун комитетын бэрэссэдээтэлин Борис Иннокентьевич Заровняев, Уус-Алдан улууһун кииннэммит библиотекатын тиһигин дириэктэрин Лена Семеновна Павлова, Хоро нэһилиэгин Аҕа баһылыгын Алексей Алексеевич Ущницкай, Майаҕастааҕы “Түмсүү” норуот айымньытын киинин дириэктэрин Ольга Васильевна Сивцева ааттарыттан Хоро нэһилиэгин култууратын эйгэтигэр араас кэмҥэ үлэлээн ааспыт, үлэлии сылдьар бар дьоммут туттулар.
Истиҥ көрсүһүү “Кулууп уота угуйар ” эҕэрдэ кэнсиэринэн уонна минньигэс астаах остуол тула олорон кэпсэтиинэн түмүктэннэ.
