Хоро нэһилиэгэр ааспыт Сомоҕолоһуу күнүн бэлиэтиир, Майаҕастааҕы «Түмсүү» норуот айымньытын киинин 54 — сезонун арыйар «Маҥнайгы хаар» кэнсиэр буолан ааста. Нэһилиэк олохтоохторо, тэрилтэ үлэһиттэрэ, оҕолор бииртэн биир кэрэхсэбиллээх нүөмэрдэринэн бу киэһэни киэргэттилэр. Ыҥырыылаах ыалдьыттарбыт көмүс куоластаах Николай Бурцев, Василий Петров, Иван Приблых ылбаҕай ырыаларынан нэһилиэк дьонун-сэргэтин сэргэхситтилэр.
Майаҕастааҕы “Түмсүү” норуот айымньытын киинин Айар үлэтин сезонун арыйар үөрүүлээх кэнсиэригэр, бу киэһээни киэргэппит, ыҥырыыбытын ылынан сөбүлэспит , кэнсиэрбит кыттыылаахтарыгар, көрөөччүлэригэр Майаҕастааҕы «Түмсүү» норуот айымньытын киинин аатыттан улахан махталбытын биллэрэбит!
Бары биир сомоҕо буоламмыт
Олохпут чэлгийэ сайдыытын
Бу орто дойдуга үлэнэн
Күүһүрдэ хаҥата туруоҕуҥ.
Сахалыы сиэри тутуһан
Сириэдийэ сайда туруоҕуҥ.
Үөрүүнэн сир үрдэ туолуохтун
Эйэ-дьол холууба көтүөхтүн
Үүнэ-чэчирии сайдыаҕыҥ!!!
