Муус устар 6 күнүгэр Хоро нэһилиэгэр Арассыыйаҕа “Аҕа дойдуну көмүскээччи”, Саха Өрөспүүбүлүкэтигэр “Ийэ дойдуну көмүскээччи”, Уус Алдан улууһугар “Тыа хаһаайыстыбатын” сылларынан Улуу Кыайыы 80 сылын көрсө Аҕа дойду Улуу сэриитин кыттыылааҕын, үлэ бэтэрээнин, Аҕа дойду улуу сэриитин II-с истиэпэннээх уордьанннах, “Японияны кыайыы иһин” мэтээллээх Егор Семенович Тролуков уонна Аҕа дойду Улуу сэриитин кыттыылааҕын, үлэ, тыыл бэтэрээнин, «Аҕа дойдуну көмүскүүр Улуу сэрии 1941–1945 cc. килбиэннээх үлэтин иһин», «Маршал Советского Союза Жуков» уонна да элбэх үбүлүөйүнэй мэтээллэрдээх, «Ийэ Албан Аат» орденнаах Харитина Михайловна Бурцева олорбут дьиэлэригэр өйдөбүнньүк мемориальнай дуоска үөрүүлээх арыллыыта буолла.
Улуу Кыайыы 80 сылын көрсө, Егор Семенович уонна Харитина Михайловна хорсун быһыылара, албан ааттара үйэтитиллиэхтээх, кинилэр инники кэскиллэрэ, сыдьааннара өйдүү-саныы, киэҥ тутта, махтана саныы сырыттыннар. Аҕа дойду Улуу сэриитигэр Кыайыыны ситиспит, хорсуннук сэриилэспит, кырыктаах кыргыһыыларга хоһууннарын, үлэ фронугар дьулуурдарын көрдөрбүт ытыктыыр-убаастыыр дьоннорбут холобура суох хорсун быһыылара, биһиги өйбүтүгэр-санаабытыгар, мэлдьитин тыыннаах буолуохтара.
