«Мүрү оҕолоро»

Олунньу 14 күнүгэр Майаҕастааҕы “Түмсүү” норуот айымньытын киинигэр Арассыыйаҕа “Аҕа дойдуну көмүскээччи”, Саха Өрөспүүбүлүкэтигэр “Ийэ дойдуну көмүскээччи”, Уус Алдан улууһугар “Тыа хаһаайыстыбатын” сылларын чэрчитинэн Улуу Кыайыы 80 сылын көрсө оскуола үрдүкү кылааһын оҕолоругар аналлаах II-c төгүлүн ыытыллар «Мүрү оҕолоро» тэрээһин буолан ааста. Манна кыттыыны ыллылар В. А. Протодьяконов-Кулантай аатынан Майаҕастааҕы орто оскуола, И.С. Портнягин аатынан Сыырдаах орто оскуола, В.Н. Мигалкин аатынан Чараҥ орто оскуола, Г. В. Егоров аатынан Мүрүтээҕи 1-кы нүөмэрдээх оскуола уонна Мындаабатааҕы спортивнай хайысхалаах орто оскуола үрдүкү кылааһын оҕолорун хамаандалара. Бу күрэххэ уопсайа 34 оҕо кыттыыны ылла. Кэлбит кыттааччылар оскуолаларын, хамаандаларын билиһиннэрдилэр, бэйэ-бэйэлэрин эҕэрдэлэһэн музыкальнай нүөмэр бэлэхтэстилэр. Салгыы «Толкуйдаа, Оонньоо, Кыай», «Өбүгэ оонньуулара», станцияларынан «Квест» оонньууларга олус көхтөөхтүк кытыннылар. Кыайыылаахтар грамоталарынан, сыаналаах бириистэринэн наҕараадаланнылар. Тэрээһин доҕордоһуу биэчэринэн түмүктэннэ.