Арассыыйаҕа “Аҕа дойдуну көмүскээччи”, Саха өрөспүүбүлүкэтигэр “Ийэ дойдуну көмүскээччи”, Уус Алдан улууһугар “Тыа хаһаайыстыбатын” сылларынан Улуу Кыайыы 80 сылын көрсө “Хоро Кубога” улуустааҕы үс көрүҥҥэ: (бильярд, дартс, буулдьанан ытыы) турнира бэрт тэрээһиннээхтик буолан ааста. Хомустаах, Өнөр, Дүпсүн, Тулуна уонна олохтоох Хоро-1, Хоро-2, Хоро-3 уопсайа 7 хамаанда илин-кэлин түһүстүлэр. Хамаанда састааба 4 киһиттэн турда: 55 саастарыгар диэри 2 кыттааччы, 55 үөһээ саастаахтарга 2 кыттааччы.
Күрэх үөрүүлээх аһыллыытыгар Хоро нэһилиэгин аҕа баһылыга А. А. Ущницкай эҕэрдэ тылын эттэ.
Күүстээх киирсиилэр, бэргэн ытыылар, таба быраҕыылар кэннэ хамаандаларынан түмүк маннык буолла:
1 миэстэ Хоро-1 хамаандата (бильярд 2 миэстэ, дартс 2 миэстэ, ытыы 1 миэстэ уопсайа 5 очукуо); 2 миэстэ Өнөр хамаандата (бильярд 3 м., дартс 1 м., ытыы 5 м. уопсайа 9 очукуо); 3 миэстэ Хоро-2 хамаандата (бильярд 1 м., дартс 6 м., ытыы 3 м. уопсайа 10 очукуо); 4 миэстэ Хоро-3 хамаандата (бильярд 5 м., дартс 3 м., ытыы 2 м. уопсайа 10 очукуо); 5 миэстэ Дүпсүн хамаандата (бильярд 7 м., дартс 5 м., ытыы 4 м. уопсайа 16 очукуо); 6 миэстэ Тулуна хамаандата (бильярд 6 м., дартс 4 м., ытыы 6 м. уопсайа 16 очукуо); 7 миэстэ Хомустаах хамаандата (бильярд 4 м., дартс 7 м., ытыы 7 м. уопсайа 18 очукуо).
Түгэнинэн туһанан күрэхтэһиибит спонсордарыгар барҕа махталбытын тириэрдэбит: ИП Троев Г.А., ИП Костромин Н.Е., ИП Крылов Т.А., ИП Колодезников А.А., Скороходкина Л.Д., В.А. Протодьяконов-Кулантай аатынан Майаҕастааҕы орто оскуола, Майаҕастааҕы «Түмсүү» НАК, Хоро нэһилиэгин олохтоох дьаһалтатын коллективтарыгар. Ыҥырыыбытын ылынан, кэлэн күрэхтэһии күүрээнин үрдэппит, сытыы киирсиилэри бэлэхтээбит хамаандаларбытыгар барҕа махталбытын биллэрэбит!
