Кулун тутар 27 күнүгэр Майаҕастааҕы «Түмсүү» норуот айымньытын киинигэр Хоро нэһилиэгин бэтэрээннэрин «Алгыс» түмсүү 25 сыллаах үбүлүөйдээх «Олоҕум суола — Алгыстыын” тэрээһин буолан ааста. Бу күҥҥэ, кэлэн ааспыт кэрэ саастарын, үлэлээн-хамнаан ааспыт салайааччылар уруккуну ахтан-санаан аастылар, доҕотторун-атастарын кытта астына-дуоһуйа, ирэ-хоро кэпсэттилэр.
Хоро нэһилиэгин бэтэрээннэрин сэбиэтэ 1987 сыллаахха тэриллибитэ, аан маҥнайгы председателинэн үлэлээбитэ Саха Өрөспүүбүлүкэтин норуотун хаһаайыстыбатын үтүөлээх үлэһитэ Петр Петрович Алексеев.
Кини кэнниттэн советскай партийнай үлэһит Аполлон Федотович Емельянов үлэлээбитэ.
Онтон 1995-2003 сылларга 8 сыл таһаарыылаахтык спорт, педагогическай үлэ бэтэрээнэ Хоро нэһилиэгин Бочуоттаах олохтооҕо Иван Семенович Протодьяконов үлэлээбитэ.
Бу кэмнэргэ, оруобуна 2000 сыллаахха бэтэрээннэр сэбиэттэрэ докуомуонунан бигэргэтиллэн Хоро нэһилиэгин бэтэрээннэрин сэбиэтэ АЛГЫС диэн ааттаммыта.
2003-2005 сылларга Хоро нэһилиэгин кырдьаҕастарын сэбиэтин председателинэн ааҕар-суруйар үлэҕэ тиһигин быспакка үлэлээбитэ педагогическай үлэ ветерана Хоро нэһилиэгин Бочуоттаах олохтооҕо Марина Романовна Копырина.
2005-2008 сылларга атын нэһилиэк түмсүүлэрин кытта күүстээхтик сибээһин тутан үлэ ыыппыта үлэ ветерана Анна Гаврильевна Попова.
2008-2021 сылларга, үрдүк таһымнаахтык, бэриниилээхтик 13 сыл Хоро нэһилиэгин кырдьаҕастарын советын председателинэн үлэлээбитэ Уус-Алдан улууһун, Хоро нэһилиэгин Бочуоттаах олохтооҕо, Сэбиэскэй Сойуус дьоруойа Ф.К Попов аатынан персональнай бириэмийэ лауреата, Пятилетка эдэр гвардееһа бэлиэ хаһаайына, Уус-Алдан улууһун, Хоро нэһилиэгин социально-экономическай сайдыытыгар кылаатын иһин бэлиэ хаһаайына Саха республикатын олохтоох салайыныы тэриллиитин депутаттарын 1 съеһин делегата Дмитрий Дмитриевич Курилкин.
2021 сылтан күн бүгүҥҥэ диэри араас көрүҥ салаатынан үлэлии сылдьар Хоро нэһилиэгин Бочуоттаах олохтооҕо, Хоро нэһилиэгин социально-экономическай сайдыытыгар кылаатын иһин, Уус-Алдан улууһун култууратын сайдыытыгар кылаатын иһин бэлиэ хаһаайына Прокопий Николаевич Трулин.
