Бүгүн алтынньы ый 18 күнүгэр Майаҕастааҕы «Түмсүү» НАК Саха өрөспүүбүлүкэтин бастакы бэрэсидьиэнэ Михаил Ефимович Николаев көҕүлээбит “Рисуем все” эстафетатын кубога Хоро нэһилиэгэр айаннаан кэллэ. Бу кубогы үөрүүлээх быһыыга-майгыга 1-кы Хоро нэһилиэгин Муниципиальнай тэриллии дьаһалтататын солбуйар баһылыга Виталий Витальевич Гуляев В.А. Протодьяконов – Кулантай аатынан Майаҕастааҕы орто оскуола директорыгар Семен Васильевич Аргуновка туттарда. Бу бырайыак сүрүн сыала — ыччаты кэрэҕэ уһуйуу, оҕону бары өртүнэн сайыннарыы буолар.
Эстафета кубога 2023 сылтан республика аҕыс улууһун кэрийэн, алтынньы ый саҥата Таатта улууһуттан биһиэхэ айаннаан кэллэ.
Бу тэрээһин чэрчитинэн нэһилиэктэр оҕолорго, төрөппүттэргэ, нэһилиэнньэҕэ анаан араас күрэхтэри, быыстапкалары, маастар-кылаастары, семинардары бэйэлэрин былааннарынан ыытыахтара. Эстафета түмүгүнэн хас биирдии нэһилиэк Михаил Ефимович Николаев фондатыгар уруһуйга уһуйар үлэтэ түмүллэн альбом буолан туттарыллар. Уонна ахсынньы ый 20 күнүгэр улуус киинигэр Арассыыйаҕа Дьиэ кэргэн, Саха сиригэр Оҕо саас, Уус Алдан улууһугар Аҕа сылын түмүктүүр тэрээһиҥҥэ Дьокуускай куорат бэрэстэбиитэллэрин ыҥыран бу кубогы салгыы ыытыахтара.
Эстафета кубога алтынньы ый 21 күнүгэр салҕыы Уус-Алдан улууһун кэрийэ Бэрт-Ууһун нэһилиэгэр айанныаҕа.
