Оҕо баар буолан күн күлэр,
Оҕо баар буолан сир симэнэр,
Оҕо баар буолан дьон дьоллонор,
Оҕо баар буолан олох салҕанар.
Бэс ыйын 1 күнүгэр биһиги нэһилиэкпитигэр оҕо көмүскэлин күнүгэр аналлаах бырааһынньык буолан ааста. Оҕолору эҕэрдэлээн Динара Гоголева, Айтал Прокопьев ылбаҕай ырыаларын, алын кылаас кыргыттара «Сибэкки» үҥкүүлэрин бэлэх ууннулар. Араас күрэхтэр ыытылыннылар, ол курдук 1-3 саастаах кырачаан оҕолорго «Карапузики» сүүрүү, «Киндер-сюрприз» оҕо кэлээскэтин киэргэтии күрэҕэ, «Чыычаахтар саҥараллар» хоһоон, «Мин миинэр көлөм-велосипед» күрэхтэрэ, хамаанданан эстафета уонна араас оонньуулар буоллулар. Бары актыыбынайдык кыттан сэмэй бириистэри ылан үөрэн-көтөн тарҕастылар.
