МУНИЦИПАЛЬНОЕ БЮДЖЕТНОЕ УЧРЕЖДЕНИЕ "МАЯГАССКИЙ ЦЕНТР НАРОДНОГО ТВОРЧЕСТВА "ТУМСУУ" МУНИЦИПАЛЬНОГО ОБРАЗОВАНИЯ "ХОРИНСКИЙ НАСЛЕГ"

«Күнчээнэ Куо»

Кулун тутар 6 күнүгэр Саха сиригэр «Оҕо саас» сылын чэрчитинэн, Майаҕастааҕы «Түмсүү» норуот айымньытын киинигэр Аан дойду кэрэ аҥардарын күнүгэр аналлаах алын сүһүөх үөрэнээччилэрин кэрэчээн кыргыттарын икки ардыларыгар «Күнчээнэ Куо» куонкурус буолан ааста.
«Күнчээнэ Куо» күрэххэ уопсайа 7 кырачаан кыыс кыттыыны ылла. Куонкурус уопсайа 5 түһүмэҕинэн буолла, ол курдук: 1) бэйэни билиһиннэрии; 2) талба талаан; 3) фитнес; 4) авангард; 5) мааны былааччыйа. Күрэх кыайыылааҕынан «Күнчээнэ Куо» үрдүк ааты 1-гы кылаас үөрэнээччитэ Сайнаара Петрова ылла, ону таһынан «Талба Талаан» анал бириис хаһаайката буолла. «Сааскылаана Куо» — Алиса Монастырева, «Кэрэчээнэ Куо» — Айгылаана Тарабукина, «Мичийээнэ Куо» — Сандаара Ущницкая, «Кэскилээнэ Куо» — Мэйа Кузьмина, «Нарыйаана Куо» — Сардаана Стрекаловская, «Намыына Куо» — Николетта Костромина буоллулар. Кэлбит көрөөччүлэри алын кылаас үөрэнээччилэрэ 100% кыттан музыкальнай нүөмэрдэринэн эҕэрдэлээтилэр.

Добавить комментарий