2013 сылтан Өрөспүүбүлүкэ үрдүнэн ыам ыйын 21 күнүгэр норуот көҕүлээһининэн Ырыа күнэ ыытыллар буолбута үтүө үгэскэ кубулуйда.
Ырыа бүгүҥҥү күнү, олоҕу туойар, уруйдуур, ыччаттары кэрэҕэ, сырдыкка угуйар сүдү күүстээх. Ырыанан норуот олоҕун туруга, омук быһыытынан сомоҕолоһуута көстөр. Ыллыыр омук инникилээх, ыллыыр омук кэскиллээх, онон ырыаны аргыс оҥостуоҕуҥ, олохпутун чэпчэтиэҕиҥ.
Убаастабыллаах Хоро нэһилиэгин олохтоохторо уонна ылдьыттара, эһигини барыгытын Ырыа күнүнэн итиитик истиҥник эҕэрдэлээн туран, баҕарыа этибит уһун дьоллоох олоҕу, ырыаҕа ылланарын курдук күөх халлааны, көнө суолу, сайдыылаах олоҕу!
