Муус устар 12 күнүгэр Арассыыйа үрдүнэн Космонавтика күнэ бэлиэтэнэр. Ол чэрчитинэн, Майаҕастааҕы «Түмсүү» норуот айымньытын киинэ уонна В.А. Протодьяконов-Кулантай аатынан Майаҕас орто оскуолата оҕолорго аналлаах «День космонавтики» тэрийэн ыыттылар.
Бу тэрээһиҥҥэ ыҥырыылаах ыалдьыппыт, нэһилиэкпит биир бастыҥ көхтөөх активиһа, коллекционера Иннокентий Дмитриевич Крылов биллибэт көтөр эттиктэр туһунан быыстапка туруоран, оҕо уһуйаанын уонна оскуола оҕолоругар олус интириэһинэй иһитиннэрии оҥордо.
Оскуола үрдүкү кылааһын оҕолоругар «УЛУУ КУЙААР» станциянан оонньууга уопсайа 3 хамаанда буолан күрэхтэстилэр. Тэрээһиммит «Живое» киинэ көрдөрүүтүнэн түмүктэннэ.
Бары кыттыбыт оҕолорбутугар, Иннокентий Дмитриевичка барҕа махталбытын тиэрдэбит! Инникитин да маннык көхтөөхтүк актыыбынайдык кыттаргытыгар ыҥырабыт!
