Олунньу 10 күнүгэр Хоро нэһилиэгэр 2023 сыл — Арассыыйаҕа Педагог уонна Аҕа сүбэһит, Саха сиригэр Үлэ, Уус-Алдан улууһугар Инфраструктура сайдыытын, Хоро нэһилиэгэр Олох-дьаһах усулуобуйатын тупсарыы сылларын арыйар тэрээһин буолан ааста.
Арассыыйа Федерациятыгар Педагог уонна Аҕа сүбэһит сылын бэлиэтин үөрүүлээх быһыыга майгыга туттардылар: РСФСР норуотун үөрэҕириитин” туйгуна, Саха Өрөспүүбүлүкэтин Үтүөлээх учуутала, Саха Өрөспүүбүлүкэтин үөрэҕин систематын Бочуоттаах бэтэрээнэ, “П.А. Ущницкай аатынан бириэмийэ лауреата, Өрөспүүбүлүкэ бастыҥ методиһа, Саха Өрөспүүбүлүкэтин «Ытык бэлиэ», Саха Өрөспүүбүлүкэтин “Гражданскай килбиэн”, “Уус-Алдан улууһун үөрэҕин үлэһиттэрин профсоюһун спорка бэриниитин иһин”, “Уус-Алдан улууһун социальнай-экономическай сайдыытыгар кылаатын иһин”, “Уус-Алдан улууһун үөрэхтээһинин сайдыытыгар кылаатын иһин” бэлиэлэр хаһаайкатын, Хоро нэһилиэгин Бочуоттаах олохтооҕо Татьяна Гаврильевна Павлова, Саха Өрөспүүбүлүкэтин бочуоттаах бэтэрээнэ, Степан Филиппович Гоголев аатынан дьокуускайдааҕы Педагогическай колледж бочуоттаах выпускнига, “Уус-Алдан улууһун социальнай-экономическай сайдыытыгар кылаатын иһин”, «Уус-Алдан улууһун оскуолаҕа киириэн иннинээҕи саастаах оҕолору үөрэхтээһин сайдыытыгар кылаатын иһин», “Хоро нэһилиэгин социальнай-экономическай сайдыытыгар кылаатын иһин” бэлиэлэр хаһаайкатын, Хоро нэһилиэгин Бочуоттаах олохтооҕо Марина Романовна Копырина.
Тэрээһин саҕаланыытыгар оскуола директора Семен Васильевич Аргунов, «Чуораанчык» оҕо уһуйаанын сэбиэдиссэйин солбуйааччы Ирина Петровна Бурнашева быйылгы бэлиэ сыл хаамыытын сырдаттылар уонна бүгүҥҥү тэрээһин сыалын-соругун билиһиннэрдилэр, бу бэлиэ сылга ситиһиилээхтик үлэлииргэ-хамсыырга ыҥырдылар.
Үлэ киһини тупсарар, үлэ киһини туругурдар. Үлэһит киһи куруук үтүө уонна чэгиэн буолар. ССРС президенын уурааҕынан «Үлэҕэ килбиэнин иһин» мэтээл, Сэбиэскэй Сойуус дьоруойа Федор Кузьмич Попов аатынан бириэмийэ луареата, Социалистическай үлэ дьоруойа Анастасия Семеновна Копырина аатынан бастыҥ луаретат, 1982, 1979, 1980 сыллар «Бүтүн союзтааҕы Социалистическай куоталаһыы кыайыылаҕа», Коммунистическай үлэ ударнига, “Уус-Алдан улууһун социальнай-экономическай сайдыытыгар кылаатын иһин”, “Уус-Алдан улууһун тыа хаһаайыстыбатын сайдыытыгар кылааатын иһин” бэлиэлэр, «Бастыҥ механизатор», «Бастыҥ тракторист», “Бастыҥ отчут” анал ааттар хаһаайына, Хоро нэһилиэгин Бочуоттаах олохтооҕо, хас да төгүллээх оройуон чемпиона Михаил Тимофеевич Копырин күн бүгүнүгэр диэри үлэлии-хамныы сылдьар ытык бэтэрээммит Саха сиригэр биллэриллибит Үлэ сылын арыйда.
Уус-Алдан улууһугар Инфраструктура сайдыытын, Хоро нэһилиэгэр Олох-дьаһах усулуобуйатын тупсарыы сылларын «Хоро нэһилиэгэ» муниципальнай тэриллии Аҕа баһылыга Алексей Алексеевич Ушницкай, солбуйар баһылык Родион Семенович Ноговицын, Хоро нэһилиэгин депуттара Алексей Иванович Аргунов, Дмитрий Михайлович Охлопков арыйдылар.
