22.10.2022
Алтынньы үһүс баскыһыанньатыттан ол эбэтэр 15 күнүттэн 22 күнүгэр диэри Майаҕастааҕы «Түмсүү» НАК Саха сиригэр — Ийэ күнүн чэрчитинэн «КЭРЭТТЭН — КЭРЭ САҔАЛАНАР» диэн декада биллэриллэн нэдиэлэ устата Майаҕас бөһүөлэгин эдэркээн ийэлэрэ, бэйэлэрэ сөбүлээн дьарыгырар көрүҥнэринэн араас өҥө оҥорон үлэлээтилэр. Ол курдук: Евдокия Стручкова кыламан, Галина Петрова тыҥырах өҥөлөрүн оҥордулар, Анастасия Бурцева туорт оҥорорго маастар кылаас ыытта.
Декаданы түмүктүүр «Ийэ — Аан дойду аанньала» биэчэринэн түмүктэннэ. Бу тэрээһиҥҥэ көмүс илиилээх күн күбэй ийэлэрбит, эйэҕэс эбээлэрбит Альбина Петровна Иванова, Анна Гаврильевна Попова, Марите Дмитриевна Крылова, Лена Егоровна Копырина, Ксения Николаевна Кириллина, Людмила Петровна Черноградская, Саргылана Прокопьевна Трулина, Екатерина Петровна Ущницкая, Марина Андреевна Власьева, Калена Семеновна Ноговицына, Ольга Васильевна Сивцева, Мария Валерьевна Ноговицына оҥорбут оҥоһуктарын, үлэлэрин быыстапката дьон көрүүтүгэр турда. Тэрээһиммитигэр ыҥырыылаах ыалдьыппыт, ураты дьоҕурдаах Александра Васильевна Черкашина эмтээх оттор тустарынан киэҥ-баай ис хоһоонноох иһитиннэрии оҥордо, сүбэ-ама биэрдэ, отторун аҕалан быыстапка туруоран көрдөрдө.
Тэрээһиммитигэр кыттыбыт аанньал ийэлэрбитигэр,эйэҕэс эбээлэрбитигэр алаһа дьиэ Далбар Хотуттарыгар барҕа махталбытын тириэрдэбит! Баҕарабыт чэгиэн туругу, үрдүк ситиһиилэри, уһун дьоллоох олоҕу!
Александра Васильевна Черкашина
