Кулун тутар 26-27 күннэригэр Майа сэлиэнньэтигэр Дмитрий Ходулов аатынан Култуура киинигэр Саха биллиилээх самодеятельнай композитора, Саха Комсомолун бириэмийэтин лауреата, СР народнай артыыһа, Мэҥэ-Хаҥалас, Кэбээйи, Үөһээ Бүлүү улуустарын бочуоттаах гражданина, Дьокуускай куорат уонна СР бочуоттаах гражданина, Россия журналистарын союһун чилиэнэ Аркадий Алексеев бирииһигэр «Сүрэхтэр кэпсэтэр кэмнэрэ» 8-с төгүлүн ыытыллар республикатааҕы ырыа күрэҕэр «Түмсүү» норуот айымньытын киинин аккомпаниатора, Константин Семенович Иванов ситиһиилээхтик кыттан, «КЭРЭХСИБИЛЛЭЭХ ЫРЫАҺЫТ» анал аат иҥэриллибитинэн итиитик истиҥник эҕэрдэлиибит!
Улахан ырыа түһүлгэтигэр барыта 131 киһи Кэбээйи, Үөһээ Бүлүү, Бүлүү, Үөһээ Дьааҥы, Өлүөхүмэ, Уус-Майа, Орто Халыма, Ленскэй, Нам, Таатта, Амма, Чурапчы, Уус-Алдан, Хаҥалас улуустарыттан, Хатастан, Дьокуускай куораттан, ону таһынан Мэҥэ-Хаҥалас улууһуттан 15 нэһилиэк ырыаһыттара кыттыыны ыллылар.
