25.06.2021
Бэс ыйын 25 күнүгэр Хоро нэһилиэгэр «Хоро нэһилиэгэ Уус-Алдан улууһа» кинигэ сүрэхтэниитэ үөрүүлээх быһыыга-майгыга буолан ааста.
Кинигэҕэ Уус-Алдан улууһун Хоро нэһилиэгин былыргаттан күн бүгүҥҥэ диэри олоҕо сырдатыллар. Ол курдук, бу кинигэҕэ 1930 сылтан ыла түмүллүбүт нэһилиэк историята, сэрии бэтэрээннэрэ, үлэлээн-олорон ааспыт дьон ахтыылара, тыа хаһаайыстыбатыгар килбиэннээх үлэлэрин иһин, сүдү кылааттарын киллэрсибит туруу үлэһит дьон туһунан, ону таһынан, нэһилиэк тэрилтэлэрэ, ыччат спорт араас көрүҥнэригэр үрдүк ситиһиилэрэ, араас хаһыаттарга, кинигэлэргэ бэчээккэ тахсыбыт ыстатыйалара, өйдөбүнньүк хаартыскалара түмүллэн, сааһыланан киирдилэр.
