30.11.2020
Сэтинньи ыйбыт түмүктэнэрэ тиийэн кэллэ – Баай Барыылаах байанайбыт ыйын түмүктүүр рубрикабытын, нэһилиэкпит булчуттарын хаартыскаларын көрөргүтүгэр ыҥырабыт. Дьулуурдаах булчуттарбытыгар Байанай алгыһын аныыбыт:
Баай хара тыам иччитэ
Барааҥкы сүүрүк аттаах,
Күөх тиин уорҕата угунньалаах,
Киис кыыл кэтэҕин килбиэнэ кэтинчэлээх,
Саарба кыыл самыытын таалыра саҕынньахтаах,
Уоттаах саһыл кутуруктуун уорҕата туһуулуктээх,
Муостаах буур кэрэмэс тыһа бэргэһэлээх,
Байдам тутуу, барылы кэскил,
Баай Байанай Тойон эһэм!
Бэттэх бэттэх буол,
Истэ-билэ сэргэҕэлээ!
Күөх тыа күөнүн анныгар
Кулуктэнэн тураҥҥын,
Күллэрэстээн күлүм аллайа тоһуй эрэ,
Тойон эһэм!
Үөл-дьүөлгэ үһүүрэҥҥин
Үтүө түүлээххин-кылааннааххын
Үүрэн-түрүйэн аҕал эрэ,
Тойон эһэм!
