10.10.2019
Алтынньы ый 10 күнүгэр сааһырбыттар декадатын чэрчитинэн «Күөх уот» тэрээһин буолан ааста. Бу киэһээ үөрүүлээх чааһыгар ытык дьоммутун Хоро нэһилиэгин баһылыга Ушницкай А.А., «Алгыс» ветераннар түмсүүлэрин бэрэссэдээтэлэ Курилкин Д.Д. эҕэрдэлээтилэр.
Уус-Алдан улууһа былыр былыргаттан утуе улэһит дьонунан, производство маяктарынан уос номо5ор киирбитэ. Улууспутугар 2019 сыл – Геройдар сылларынан биллэриллэн, бастыҥ көрдөрүүлээх Герой Егоров аатынан совхоз тэриллибитэ 45 сыллаах үбүлүөйүн бэлиэтээбитэ. Ааспыты сэгэтэн көрдөрөр, туруу улэһит биир дойдулаахтарбыт ааттарын үйэтитэр “Герой Егоров аатынан совхозтан силис тардан” кинигэ туһунан билиһиннэриини — биэчэр маҥнайгы чааһын иилээн саҕалаан ыытта С.Г. Крылов аатынан модельнай библиотека сэбиэдиссэйэ Кириллина К.Н.
Салҕыы бырааһынньыктааҕы остуол тула олорон, көрдөөх-нардаах оонньууларга оонньоон, баянынан үҥкүүлээн, «Ааспыт сыллары ахтан» ретро быыстапка көрөн ытык кырдьаҕас дьоммут дуоһуйа сынньаннылар.
