27.09.2019
Балаҕан ыйын 27 күнүгэр Хоро нэһилиэгэр Саха Өрөспүүбүлүкэтин Судаарыстыбаннаһын күнүн көрсө «ХОРО КӨМҮС КҮҺҮНЭ-2019» тэрээһин буолан ааста.
Саха Өрөспүүбүлүкэтин норуотун историческай талыытынан, сайдар быраабы биэрбит уонна былаас туһугар, судаарыстыбаннаһы харыстааһыҥҥа, демократическай сыаннастары бөҕөргөтүүгэ, сокуон, сиэр-майгы туһугар туруулаһыыга эппиэтинэһи сүктэрбит, үрдүкү гражданскай иэһи олоххо киллэрэр суолу аспыт Государственнай суверенитет туһунан декларацияны ылыныы 29 сылын туолла.
1990 сыл бала5ан ыйын 27 күнэ Саха республикатын дьылҕатыгар ураты оруоллаах күн буоларын бары билэбит. Биһиги республикабыт сувереннай, ол эбэтэр көҥүл буоларын бэлиэтэ, сүрүн сокуоннаах, гербэлээх уонна гимнээх.
Бу күн Саха Өрөспүүбүлүкэтин Судаарыстыбаннаһын күнүн арыйар үөрүүлээх чааьа, ону тэҥэ «Күһүҥҥү киһи күлбүтүнэн» атыы-эргиэн дьаарбаҥката буоллулар.
Бу киэһээ «Күһүн сиэдэрэй бэлэҕэ» түөлбэ икки ардыларынааҕы күрэх түмүгэр «Эрэл» түөлбэ кыайыыны ылары ситистэ. Түөлбэлэр күрэххэ өлгөм оҕуруот астардаах остуол тартылар, айылҕа бэлэхтэриттэн сэлээппэ киэргэттилэр.
